Drama Bahasa Madura

BADHA OKORANNA BANG-SEBANG

E settong careta,  badha na’ kana’ praban se anyama Gero. Gero iya areya ana’ se akecokobhan, angko, ban dhujan aganggu cakancana.  Gero andhi’ settong geng (kompolan), abhareng Tutik ban Sun. Gero, Tutik, ban Sun iya areya reng bine’ se bannya’ esare (etabeng) reng lake’.

Tutik sareng  Sun la ampon badha e dhalem kelas. Lajhu Gero dhateng sareng salerana se angko.

Tutik : “joh Gero dhateng.”

Sun : “Dhulih.. dhulih siyapaghi kennenganna.”

(Gero sareng salerana se cremmet.)

Sun : “Badha apa mek robenah kadhi cremmet deiyeh Ger?”

Tutik : “Iya badha apah?”

Gero : “Gawat!!”

Tutik : “Arapah?”

Gero : “Tang sapopoh se dhari dhisa terro asakola e kannak!”

Tutik+Sun : “HAHHH?!!”

Gero : “Iyeh se idiot joh.”

Sun : “Yeekkk, pegenna bhein.”

Gero : “Iyeh, ghellek tang ebhu la ngocak. Degghuk jiyah la masok.”

Tutik : “Arapah jiah mek asakola e kannak? Lakar tadek sakolaan yeh neg kassa?”

Gero : “Tang ebhu se ngajhak jiyah dha” kannak. Sala dhujan midhaaghin sengko”, se  penteran jiah lan, blaa bla blaa...”

Tutik :  “Bileh jiyah se masok?”

Gero : “Paling 2 are agghi” la masok.”
            Olle 2 are Ma”el dhateng.

            Ma’el iya areyasapopo dhari Gero se dhari dhisa. Kalowarga dhari Ma”el ta” kengeng abiayaaghi sakolaanna. Reng seppo lake’na Ma’el ampon adhinggal dhunnya ban ebhuna ninggalaghi Ma’el salastarena ramana adhinggal dunnya.

Ma’el : “Assalamualaikum..”

Bu Lela :  “Waalaikumsalam El, kanna’ masok.”

Ma’el : “Sakalangkong bhi”

Bu Lela : “Gero... kanna’ bhing, iyyak sapoponah dhateng.”

Gero : “Duhh malesss.”

Bu Lela : “Gero, kannak nak..”

Gero : “Bhunten bhu..”

Bu Lela : “(Entar la kamar) Gero, ba’na ta’ olle deiyyeh na’, neser Ma’el. Ma’el kan sepopona ba’na kiyah, jiah kan ana’na tang ale’ na’. Ayoh kalowar na’.”

Gero : “Engghi-engghi mangken bhu...”

Bu Lela : “Yella ebhu dentek neng amper.”

Gero : “Engghi.”

(E Teras.)

Bu Lela : “Me’el, bibbhi’ nyoro ba’na  dha’ kanna’ ghabay nyakolaaghi ba’na e kanna’. Ba’na la edhinaaghi bi’ reng towana. Daddhi bibbhi’ terro nyakolaaghinna ba’na e kannak bhareng Gero.”

Dhak-dadhak Gero ta’ poron.

Gero : “Bhunten bhu, Gero ta’ poron. Ma’el ta’ akadhi Gero. Kodhuna Ma’el sakola e SMA luar biasa.”

Bu Lela :  “Hush … Ba’na ta’ olle kadhik jiyah Gero”

Gero : “Kaula ta’ kasokan manabi Ma’el settong sakolaan sareng kaula.”

            E sakola Ebhu Gero ampon adaftar aghi Ma’el asakola ban nyo’on sopaja Ma’el settong kellas sareng Gero.

            Mangkatdha ka sakola

Gero : “Bhu, kaula ametdha ka sakola …”

Bu Lela : “iya tengate ya, jaga Ma’el.”

Gero : “Ta’ ajawab”

            E jhalan

Gero : “El, sengko’ ta’ endhe’ mon ba’na mak semmak da’ sengko’, degghik e sakolaan jhak sampe’ ba’na ngocak tang sepopo”

Ma’el : “iya bak”

Gero : “ jhek mbak.. Gero bhai!”

Ma’el : “iya ger”

Gero : “wes sengko’ kaade’eh, kammah tang tas ?”

 Tas ah langsong ekalak bhi’ Gero. Pas depak neng sekola’annah Gero

Gero : “Eee, legghik mon kanak jiah deteng co kocoh yehhh”

Titik : “Ohh kana’ juahh la masok yeh?”

Gero : “Iyeh”

Sun : “Yewess”

            Ma’el pun deteng

Ma’el : “Assalamualaikum…”

Sun + Titik : “IDIOTT! IDIOTTT! IDIOTTTT!”

            Se laenna pun ro’ noro

Wiwik : “Wes rapah kanak neser, sala mored anyar ghik e cokocoh, legghik lok betta”

Tutik : “Torot ma’le lo’ betta pas apinda sekolaan”

Wiwik : “Wes ambu, kanak. Ayo ba’na maso’, toju’ bi’ sengko’ ya ? Ba’na sapa nyamana ?” sambi ngajhak ma’el maso’

Ma’el : “ Ma’el, ba’na sapa ?”

Wiwik : “Olok bhai Wiwik”

Ma’el : “Oo iya wik, sakalangkong ya ghella’. Ba’na kancah pertama se becce’ da’ sengko’”

Wiwik : “Iya el da pada”

                        Bel istirahat amonye ma’el bada e kantin melle ban atemmo sareng Gero ban cakanncana.

Sun : “E wak joh badha Ma’el”

Gero : “Baramma mon ekalako bhai”

Tutik : “Nah, bagos jah. Ayok pedumpa bein es se etegghuk.”

Sun : “ Yewes dumpa’agih bein kalla, be’eh keadek Ger”

            Gero langsong nyentaren Ma’el

Gero : “ *BRAKKKKK* duh sengaja”

Tutik : “Dooo dumpa yeh”

Sun : “Neserra kanak.. Mangkanna jha’ sakola e dinna’

Ma’el : “Lo’ parapa, legghik sengko’melle pole”

            Dha’ dadha’ pa’ong datang

Pa’ong : “Bada apa kana’, deh sapa ba’na ? mored anyar ? (sambi ajhelling ka Ma’el)

Sun : “Iya mored anyar. Mangkanna ba’na masok kellas jha’ bada e kantin tok”

Pa’ong : “Deh sekellas ?”

Tutik : “Iya sekellas”

Pa’ong : “Senga’ ba’na ya mon canganca Tutik tang jiah lee.”

Tutik : “ Sayang sayangg ! ayo kana’ da’ kellas males sengko’ bada dinna’.”

                        Tutik, Gero ban Sun lajhu entar ka kellas

Pa’ong : “Doo kamma’ah sayang ? sayang !”

Tutik : “Taohh!!”

Pa’ong : “Doo laa edhina’aghi bi’ tang sayang kadukk”

            Bel istirahat amonye. Paneka tandhana bakto istirahat la ampon tadha’. Red mored padha masok ka dalam kelasseh bang-sabang. Teppa’ are paneka kabenderran ghuru se ngajhar e kellas XII IPS 1, kellaseh Gero,Sun, ban Tutik tada’ tugas. Red mored e kellas XII IPS 1 bada se entar da’ kantin, amaen hp, acareta sakanca’an, ban laen epon. Tape Ma’el nengenneng e bangkona sambi agambar. Gambarra paneka ternyata mghabay Wiwik takerjhet.

Wiwik : “Duh, reya ba’na se ngembhar el?”

Ma’el : “(Takerjhat lajhu totop ghambaran) eh Wiwik, apa reya ghun agambar den beden”

Wiwik : “enjha’ jareya gambarra bhagus, ba’na andi’ bakat aghambar el. Iya tateppa’an badha lomba alukis, reya brosurra coba ba’na beca gelluh. Pola be’na endhek noro’.”

Ma’el : “Iya, Wik. Bi’sengko’ ghi’ eker pekkerra gelluh.”

Wiwik : “Lo’ usa kebenya’an mekker’. Hadiannah lumayan ba’na mon mennang olle pesse Rp 50.000.000,00”

Ma’el : “Ken de’ remmah ye Wik beng kan tao dibik sengko’ kadi’ reya, sengo’ todus dibi’ lok pd kiah.”

Wiwik : “Lo’ olle deyyeh el, rejekennah oreng jeh lok etemmoh. Pola pas bisa dedddhi rejekennah ba’na . jajhal bhai norok ghelluh:

Ma’el : “Iya Wik sakalangkong y, yella sengkok nyoba’ah noro’”

Wiwik : “Alhamdulillah. Sengko’ adukung ba’na ban sengko’ adue se paleng becce’. Semangat yeh. Jha’ loppaen ba’na latiyan sopaja sajan pelak se aghambar”

Ma’el : “Iya wik legghik malem sengko’ alateyannah aghambar e roma”

                        Ternyata da-kandhana Wiwik ekeding sareng Pa’ong. Pa’ong lajhu abele ka Gero ban Sun)

Ma’el : “E… E.. para gadiss sengko’ andhi’ kabar reh”

Gero : “Kabar apah ong ?”

Tutik : “Kabar apah mek apokpak ?”

Pa’ong : “Jha’ deyyeh rapah sayang. Jha’ nget nyengnget legghik borong se raddhinnah”

Sun : “apa-apah mek akobbhuk”

Gero : “Dhulien bada berita apa ong ?”

Pa’ong : “Uwa’ joh reng idiot noro’ah lomba”

Gero : “Ha! Lomba apah?”

Pa’ong : “Juah, loma lukis”

Tutik : “cang sapah beh ? “

Pa’ong : “Baa.. ngkok reh ngeding dibik syng, beng jeh lok pertajeh yeh de’ sengko’?”

Sun : “Bila se ngeding ?“

Pa’ong : “Ghellek. Koca’na legghik malem alatianna e romana”

Tutik : “Yella sopaja lok latiyan, demma mon eyajek entar ka taman bhein ?”

Pa’og : “Iya ayok, sengko’ noro’ah tape sengko’ ghi’ bada parlo. Legghik le nyosollah”

Gero : “ Iya Ong, senga’ leh edente’ah e taman se biasa kol 07.00 malem”

Pa’ ong : “ Siap bos”

Lem-malem pokol 06.30 Tutik ban Sun entar ka romana Gero.

Tutik ban Sun : “ Assalamu’alaikum ( 2X)”

Gero : “ Waalaikumsalam, maso’ kana’.”

            Teppak Sun ban Tutik maso’ ka romana Gero ternyata Ma’el parappa’na ajher

Sun : “Deh Ma’el ajher”

Tutik : “Ajher apa. Mek le jen meraje.”

Ma’el : “Enjek ken le jer ajeren”

Gero : “Ayo’ keluar bhein kah, mompong bedeh Sun bik Tutik.”

Ma’el : “Tape sengkok kan ghi’ terro ajerra”

Tutik : “Uwes kah ayok keluar bein, le jek jer ajeren (sambi nare’ Ma’el)

            Akhir epon Ma’el poron noro’ Gero,Sun, ban Tutik entar ka taman.

Sadapa’na e taman

Gero : “ El dentek kannak yeh sengko’ melleah es.”

Sun : “ Ayo’ bhi’ engkok.”

Tutik : “ Ba....enjek le torot engkok lo’ we’duweennah engkok noro’ah kiyah.”

Ma’el : “ Iyot tengateh.”

Gero,sun,tutik mangkat melleh es.

Salastarenah melleh es gero ban cakancana lajhu abelih ka Ma’el parappa’na aghambhar.

Gero : “ Ya’ enom el.”

Ma’el : “ Iye sakalangkong ger.”

Ta’ abit Pa’ong deteng.

Pa’ ong : “ Saporana yeh kadok engko’ telat. Deh mak bedeh Ma’el?”

Ma’el : “ Iyeh, sengko’ eyajek ghellek.”

Pa’ ong : “ Doo... apah mak ghik bi nyambih riyah.”

Ma’el : “ Iyeh sekalian ajher ong.”

Pa’ ong : “ Nyelling-nyelling ( pas esebbit bik Pa’ ong)”

Tutik : “ Hahaha mek lok eobber sekaleh.”

Pa’ ong : “ Ella sayang neser, eman kiyah tang korek takok lowang.”

Ma’el : “ Ba’na mak deyyeh de’ sengkok, mak cek jahatteh.”

Sun : “ Iyot lah harus jahat.”

Gero : “ Yewes male sajen jahat beng mole kedibih bein lok usa norok sengkok.”

Tutik : “ We kah ayokah mole bein dina’agih jiah.”

Akhirepon Gero ban cakancanah mole dinaagin Ma’el kadibi’en e taman.

Ma’el : “ Ya Allah abdhina ghaduwan sala ponapa Ya Allah, nyo’on sapora se tade’ betasse             malar mogha cakancana abdhina e parenge kabukka’ atena.”

Ta’ egerressa 2 menggu areh la ampon e lebedhi. Depak de’ bektona lomba lukis elaksanaaghi. Lomba kasebbhut elaksanaaghi e sekolah. Saenggha Gero ban cakancana nyelling lomba paneka.

Lomba akher epon emolae....

Sakabbhina mored se norok lomba paneka la ampon ngennenge kennengngan se ampon e sedia aghih sareng panitia.

Ma’el : “ Bismillahirrohmanirrohim. Parenge abdhina kalancaran Ya Allah. Malar mogha abdhina bisa mennang ban olle obeng  50 jutah. Deri obeng ka’dinto abdhina apangaterro nyerra aghiya obeng paneka dhe’ Bhi’ Lela. Se ampon ngerabedhi abdhina..”

Ma’el katela’ cek patarongghuna se aghambhar. Saenggha depak de’ akher acara. Juara lomba akher epon e umum aghi.

MC : “ Kaangghuy de’ para rabu, abdhina matorraghiya sakalangkong melana para rabu sadhajha la ampon ngoladhi perlombaan kantos acara akher. Samangken abdhina bhekal macaaghiya juara lomba. Kalaban marengkes bakto. Juara 1 ekolle sareng mored se asmana Muhammad Abdul Ma’el deri SMAN 2 BANGKALAN. Ngereng se esebbhut aghi kaangghuy ongghe ka attas panggung.”

Ma’el onggha de’ attas panggung selanjut epon eparenge piala sareng obeng.

Ma’el : “ Assalamu’alaikum Wr. Wb, sebelumma abdhina matorraghiya mator sakalangkong de’ para rabu se bada e ka’ dinto pon ta’ loppa jhughan keluarga se badha e compo’ ta’ nyangka bhakal bede e posisi ka’dinto. Malar mogha obeng paneka bisa aghuna ban bhakal eparengngaghiya de’ keluargana abdhina se ampon ngangkes ben mekta abdhina de’ kaodi’en se lebbi sae. Cokop saka’dinto pamator dari abdhina Wassalamu’alaikum Wr.Wb.”

Gero : “ Deh Tik! Tang sepopoh mennang Tik.”

Wiwik : “ ( Takerjhat) Ha? Sepopoh? Ma’el sepoponnah beeh Ger?”

Gero : “ Apah enjek sala ngeding beeh.”

Wiwik : “ Enjek engko’ lok sala ngeding, coba pajhujhur.”

Gero : “ Iyeh-iyeh wes engkok ngakoh, Ma’el lakar tang sepopoh teros arapa’ah?”

Wiwik : “ Astaufirullah, ce’ tegennah ba’na Ger, je’reng Ma’el seponnah ba’na dhibhik mek ekelakoh maloloh.”

Gero : “ Marennah engko’ lok senneng andi’ sepopoh idiot.”

Wiwik : “ Ya Allah....Ba’na lo’ olle deiyeh Ger magguh le demma’ah bheih ajiyah pagghun keluargannah beeh. Apah beeh lo’ ngeding ghellek pesse se 50 jutah bekal ebeghiyeh ka kaluargannah ba’na, ban pole Ma’el pagghun sabbher ban lo’ meles tengkana ba’na se nyake’en Ma’el kodhuna ba’na bisa sadar dari jiyah.”

Tutik : “ Iyot kiyah bhendher se ekoca’ bik Wiwik wes ayoh le seporah beih sengkok bennya’ dusannah kanak.”

Sun : “ Yewes degghuk aseporah reng bhereng yeh kanak.”

Gero : “ Iyeh engkok setuju.”

Wiwik : “ Alhamdulillah, iyeh kanak deiyeh parokon sakanca’an.”

Kalagghuna e sekolah Gero ban cakancana aseporah ka Ma’el se pareppa’na bede e bangkuna.

Gero : “ El.... anoh....”

Tutik : “ Ce’ abiddeh beeh jiyah, wes sengkok beih se ngoca’ah, de’iyeh El sengkok ken terro asepora’ah ka ba’na.”

Sun : “ Iyeh El sengkok kiyah.”

Dha’ dhadha’ Pa’ong deteng.

Pa’ ong : “ Doh bedeh apah mek rammeh kadok?”

Sun : “ Baaa...beeh jiyah aganggu, jejeh nengenneng.”

Gero : “ Uwes intinnah sengkok asepora’ah polana tang tengka se ce’ jahatteh ka beeh ban lok ngakonen jhe’ be’na jiyah tang sepopoh.”

Ma’el : “ Iyeh kanak lok papah sengkok le mare nyeporaaghi beeh kabbhi.”

Wiwik : “ Alhamdulillah, iyeh dek iyeh kanak sengkok ce’ sennengah mon sakancaan pade akor.”

Pa’ong : “ O.....dhaddhi keng arasaporah,yella sengkok asepora’ah kiyah, entah apa yang merasukimu kanak.”

TAMAT